ಒಂದರಿಂದ ಹತ್ತು ಹೀಗೂ ಇತ್ತು!

ಒಂದು ನನ್ನ ಹೃದಯದಲ್ಲಿ

ಎರಡು ಅಕ್ಷರ ಪ್ರೀತಿ ಹುಟ್ಟಿ

ಮೂರು ಕ್ಷಣದಲಿ ಮನಸ ತುಂಬಿ

 ನಾಲ್ಕು ಕಡೆಯಲು ಹರಡಿದೆ

 

ಐದು ನಿನ್ನ ಬೆರಳು ತಾಕಿ

ಆರು ದಳದ ಹೂವು ಅರಳಿ

ಏಳು ಸಾಗರ ದಾಟಿ ಸುಮವು

ಎಂಟು ದಿಕ್ಕಲು ಪಸರಿದೆ

 

ಒಂಭತ್ತಿರುವ ರಸಗಳೆಲ್ಲವು

ಹತ್ತೂರ ಸುತ್ತ ಮುತ್ತ

ಸುಳಿಯಲಾರದೆ ಕಳೆದು ಹೋಗಿವೆ

ನಿನ್ನ ಮೊಗದ ಕಾಂತಿಗೆ

ಕನಸು ನನಸುಗಳ ನಡುವೆ ಮನಸಲ್ಲಿ ಮೂಡಿದ ಹಾಡು

ಜೋಗಯ್ಯ ಚಿತ್ರದ "ಯಾರು ಕಾಣದೂರು" ಹಾಡಿನ ರಾಗದಲ್ಲಿ



ಗಂ: ನೀಲಿ ಬಾನಿನಲ್ಲಿ
ಏಳು ರಂಗು ಚೆಲ್ಲಿ
ಬರೆದೆ ನಾನು ನಿನ್ನ ಹೆಸರ

ಆಕಾಶದೂರಲ್ಲಿ
ಬಿಳಿ ಮೋಡದ ಮರೆಯಲ್ಲಿ
ಮಳೆ ಹನಿಯ ಅಂಚಿನಲ್ಲಿ ನಿನ್ನ
ಬಣ್ಣ ಕಂಡು ರೋಮಾಂಚನ
ಹೆ: ನಾ.. ಕಾಮನಬಿಲ್ಲು
ಇದ್ದರೂ ಇರದ ಸುಳ್ಳು
ನಾನು ಒಂದು ಬರಿಯ ಕನಸು
ಸಿಗದೇ ಹೋದರೆ ಯಾಕೋ ಮುನಿಸು?

ಭ್ರಮೆಯ ಬಾನಿನಲ್ಲಿ
ಭ್ರಮರೆ ನಾನು ಇಲ್ಲಿ
ಅಲ್ಲೂ ಇಲ್ಲ ಇಲ್ಲೂ ಇಲ್ಲ

ಗಂ: ನಕ್ಷತ್ರ ಸಾಲಿನಲಿ
ನಿನ ಮೊಗದ ಮಂದಾರ
ಮಿಂಚಾಗಿ ಬಂದು ನನ್ನ ಸೋಕಿ
ಕುಣಿದಿದೆ ಈ ತನ್ಮನ
ಹೆ: ಆ ದೇವರಾಣೆ
ನಿರ್ಜೀವಿ ನಾನು ಸೊನ್ನೆ
ಗಂ: ನಿಲ್ಲು ನನ್ನ ಪ್ರೀತಿ ಎರೆವೆ
ಸಂಜೀವಿನಿ ತಂದು ಜೀವ ಕೊಡುವೆ

ನನ್ನ ಹೃದಯದಲ್ಲಿ
ನಿನ್ನ ಚಿತ್ರವಲ್ಲಿ
ಅಳಿಸಬೇಡ ಚಿತ್ತ ಚೋರಿ