ನಲ್ಲೆಯ ನೆನಪಲಿ ನಲಿದಾಗ ನುಲಿದ ಹಾಡು

ಪರಮಾತ್ಮ ಚಿತ್ರದ "ಹೆಸರು ಪೂರ್ತಿ ಹೇಳದೆ" ಹಾಡಿನ ರಾಗದಲ್ಲಿ


ನಲ್ಲೆ ನಿನ್ನಾ ಕಣ್ಣಲಿ, ಕನಸು ನಾನು ಆಗಲೇ?
ಒಲ್ಲೆ  ನನ್ನ ಎನ್ನದೆ, ಹರಸು ನೀನು ಈಗಲೇ
ಮನಸು ತುಂಬಾ ನೀನಿರೆ.. ಎಲ್ಲಿ ನಿದಿರೆ
ನೆನೆಯಲು ನಿನ್ನನು ಮನದಿ, ನಗುತಿದೆ ಈ ಹೃದಯ
ಮರೆಯಲು ನಿನ್ನನು ಕ್ಷಣದಿ, ಮಡಿದಿದೆ ಈ ಜೀವ

ನಲ್ಲೆ ನಿನ್ನಾ ಕಣ್ಣಲಿ, ಕನಸು ನಾನು ಆಗಲೇ?
ಒಲ್ಲೆ ನನ್ನ ಎನ್ನದೆ, ಹರಸು ನೀನು ಈಗಲೇ
ಮನಸು ತುಂಬಾ ನೀನಿರೆ.. ಎಲ್ಲಿ ನಿದಿರೆ


ನಿನ ಮುದ್ದು ಮುಗುಳ್ನಗೆಯ
ಅಳಿಗುಳಿಗೆ ತಾ ಮೂಡಲು
ಒಳಗೊಳಗೆ ಹಾರುತಿಹದು
ನನ್ನ ಒಡಲು... ನಿನ್ನ.. ಬಳಿಗೆ ಬರಲು
ಆಸೆಯೊಂದು ಹುಟ್ಟಿದೆ
ನಿನ್ನ ಅಪ್ಪಿ ಕೊಳ್ಳಲೆ?
ಒಪ್ಪಿ ಬಂದ ಪ್ರೀತಿಯ
ಒಮ್ಮೆ ಹೇಳಿ ಹೋಗಲೇ?
ತಿರುಗಿ ಬಂದು ನಿನ್ನನು... ಎತ್ತಿಕೊಳಲೇ?


ನಿನ ಮಡಿಲ ಪಲ್ಲಂಗವು
ಕೈ ಬೀಸಿ ಬಾ ಎನ್ನಲು
ತಡೆ ಏನು ನನ್ನ ಮನಕೆ
ಸುಮ್ಮನಿರಲು... ಆ ಆಸೆ ಸುಡಲು
ಕಣ್ಣು ತಾನೇ ಮುಚ್ಚಿದೆ
ನಿನ್ನ ಮಡಿಲ ನೆನಪಲಿ
ಕಿವಿಯ ಕೊಟ್ಟು ಕೇಳು ನೀ
ನನ್ನ ಎದೆಯ ಚಿಲಿಪಿಲಿ
ಬಿಡದೆ ನನ್ನ ಹಿಡಿದಿಕೋ.. ಏನೇ ಬರಲಿ!!