ಕನಸು ಕಲಿಸಿ ಮನಸ ಕುಣಿಸಿದವನಿಗೆ...

ಕಣ್ಣಲಿ ಕನಸು ತುಂಬಿದವನೆ
ಕನಸಿಗೆ ಬಣ್ಣ ಹಚ್ಚಿದವನೇ
ಬಣ್ಣಕೆ ಮೆರಗು ಕೊಟ್ಟ ಒಡನೆ
ಕುಣಿದಿದೆ ನನ್ನ ಹೃದಯ ಮೆಲ್ಲನೆ
ಹಾಡುತ ನಿನ ಹೆಸರನು ಪ್ರತಿ ಉಸಿರಲಿ..

ನನ್ನ ಹೃದಯದ ಪಿಸುಮಾತನು
ಕದ್ದು ಕೇಳಿದ ನೀ ಚೋರನು
ಕೇಳಿಯೂ ನಾನು ಕಿವುದನು
ಎಂದು ನಟಿಸುವ ನೀ ಪೋರನು
ಎಲ್ಲಿದೆಯೋ ನನ್ನಲಿ ನನ್ನದೇ ಮನಸು
ಕೈ ಮುಗಿವೆ ನೀ ತಿಳಿ ನೀನೆ ನನ ಕನಸು
ಕಿರು ಬೆರಳ ಹಿಡಿದೆನ್ನನು ನಡೆಸು
ಮರು ಮಾತು ಆಡದೆ ಬರುವುದೀ  ಮನಸು

ನನ್ನ ಕಾಲ್ಗೆಜ್ಜೆಯು ಘಲ್ಲೆನುತ
ನಿನ ಹೆಸರನೆ ಕೂಗಿ ಹೇಳಿದೆ
ಕೈಯ ಬಳೆಗಳು ಝಲ್ಲೆನುತ
ನಿನ ದನಿಯನೆ ಪ್ರತಿಧ್ವನಿಸಿದೆ
ನಾ ತೊಡುವ ರೇಶಿಮೆಯ ಸೀರೆಯ ಸೆರಗನ್ನು
ಮೆಲ್ಲ ಎಳೆದರಳಸಿ ನೋಡು ಒಮ್ಮೆ ನೀನು
ಅಲ್ಲಿದೆಯೋ ನಿನ್ನದೇ ಮುಖವಿರುವ ಚಂದ್ರ
ಕೊಟ್ಟುಬಿಡು ನಿನ ಮನಸು ಹೃದಯದಿ ಬಚ್ಚಿಡುವೆ ಭದ್ರ!!