Monday, June 9, 2014

ಜೀವದ ಜೀವ ಜೀವಾಮೃತ ಕೊಟ್ಟಾಗ ಜಿನುಗಿದ ಹಾಡು




ಸೋತಿದೆ ಮನಸು  ನೋಡುತ ನಿನ್ನ
ರೂಪದ ಕಲ್ಪನೆ ಕಾಡುತ ನನ್ನ
ಈ ನರ ನಾಡಿಯು ಹಾಡಿದೆ ಸ್ವರವ
ಸ್ವರಗಳ ಬಣ್ಣನೆ ನಿನ್ನಯ ಚೆಲುವ
ನನ್ನ ಕಲ್ಪನೆ.. ಎಲ್ಲ ಯೋಚನೆ.. ನೀನೇನೆ ಮಾಯಾಂಗನೆ
ಹೃದಯದ ಈ ಗೂಡಿಗೆ ಯಜಮಾನಿಯ ಅರೆ ನೀನೇನೆ

ಕಣ್ಣಲಿ ಮಿನುಗುವ ಮಿರ ಮಿರ ಮಿಂಚು
ಹೂಡಿದೆ ನನ್ನನೆ ಕೊಲ್ಲುವ ಸಂಚು
ತುಟಿಗಳ ನಡುವಲಿ ಹೂವಿನ ರೂಪ
ನನ್ನನೆ ಸೆಳೆಯುವ ಪ್ರೀತಿಯ ಕೂಪ
ನನ್ನ ಕೊಲ್ಲದೆಯೆ ಇತ್ತ ಬದುಕಿಸದೆ
ಮನ ನಿನ್ನಯ ನೆರಳಲಿ ನರಳುತಿದೆ
ನನ್ನ ಕಲ್ಪನೆ.. ಎಲ್ಲ ಯೋಚನೆ.. ನೀನೇನೆ ಮಾಯಾಂಗನೆ
ಹೃದಯದ ಈ ಗೂಡಿಗೆ ಜೀವಾಮೃತ ನೀನೇನೆ

ನಿನ್ನ ನಡೆ  ಬೆಕ್ಕನು ಕೂಡ ನಾಚಿಸಿದೆ
ನಡೆಯ ನೋಡಿ ನಯನ ನೂರು ನನಸು ನೋಡಿದಂಗೆ
ಕನಸು ಕಣ್ಣ ಮುಂದೆ ಓಡಿದಂಗೆ
ನಲ್ಲೆ ಹೃದಯದಲ್ಲೇ ಒಮ್ಮೆ  ನೆಲಸು ಅಲ್ಲೇ
ಈ ಒಣಗಿದ ಮನವನು ತಣಿಸುತಲೇ


ನನ್ನ ಕಲ್ಪನೆ.. ಎಲ್ಲ ಯೋಚನೆ.. ನೀನೇನೆ ಮಾಯಾಂಗನೆ
ಹೃದಯದ ಈ ಗೂಡಿಗೆ ವರ್ಷಧಾರೆ ನೀನೇನೆ

 

No comments: