Wednesday, April 11, 2012

ಹುಡುಗಾಟದ ಹುಡುಗನ ಹುಡುಕಾಟದ ಹಾಡು

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು
ಬೆಲೆ ಕಟ್ಟದ ಸೆಲೆ ನಿನ್ನದೇ
ನೆಲೆ ಇಲ್ಲದೆ ಅಲೆದಾಡಿದೆ
ಹುಡುಕಾಡಿದೆ ತೊಡಕಾಗದೆ
ನನ್ನೆದುರು ನೀ ನಿಲಬಾರದೆ

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು

ಸ್ವರವಿಲ್ಲದೇನೆ ಸಂಗೀತ ಒಂದು
ಸನಿಹಕ್ಕೆ ಬಂದು ನನ ತಾಕಿದೆ
ಪದವಿಲ್ಲದೇನೆ ಪಲ್ಲವಿ ಒಂದು
ಪಕ್ಕಕ್ಕೆ ಬಂದು ಹಾಡಾಗಿದೆ
ಆ ರಾಗವು ಈ ಹಾಡಿಗೆ
ಬೆರೆತಾಗಿದೆ ಇನ್ನೇನಿದೆ
ನೀ ಒಪ್ಪಿಗೆ ಕೊಡಬಾರದೇ
ನನ್ನೊಳಗೆ ನೀ ಬೆರಿಬಾರದೆ

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು

ಹನಿ ಇಲ್ಲದೇನೆ ಹಣೆ ಮೇಲೆ ಒಂದು
ತಣ್ಣೀರ ತೊಟ್ಟು ಹರಿದಾಡಿದೆ
ಆ ಸೃಷ್ಟಿಕರ್ತ ಸರಿ ಮಾಡಿ ಇಟ್ಟ
ಹಣೆ ಬರಹ ಚೂರು ಬದಲಾಗಿದೆ
ಕನಸಲ್ಲಿಯು ಕಂಡರಿಯದ
ಸೊಗಸಾಗಿ ನೀ ಬರಬಾರದೇ
ಮುದುಡೋಗಿರೋ ಮನಸಿಲ್ಲಿದೆ
ಮುತ್ತೊಂದನು ಕೊಡಬಾರದೇ

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು