Tuesday, July 9, 2013

ಜಂಟಿಯತನ ಒಂಟಿಯತನವನ್ನು ಒಂಟೆಯ ಮೇಲೆ ಕೂರಿಸಿ ಓಡಿಸಿದಾಗ ಹುಟ್ಟಿದ ಹಾಡು


ಸರಿಗಮ ಸ್ವರದ ಮೇಲೆ
ಮನದ ಪ್ರೇಮ ಕುಣಿವ ವೇಳೆ
ಅರಿತು ಜೋಡಿಯ
ನರದ ನಾಡಿಯು
ಬರೆದ ಹಾಡಿದು
ಹಾಡುತ್ತಿರುವೆ ಕೇಳೆ ಚೆಲುವೆ

ಒಂಟಿಯತನಕೆ ವಂದನೆ ಹೇಳೋ ಸಮಯ
ಜಂಟಿಯ ಅಪ್ಪುಗೆ ಮನಕೆ ಆನಂದಮಯ
ಮುಗಿಲನು ಮುಟ್ಟಿ ಮುತ್ತನು ನೀಡುವೆ ಈಗ
ಮನದಲಿ ಮೂಡಿದೆ ಮದನನ ಮೀರಿಸೋ ವೇಗ
ಚಿನ್ನ ಎನ್ನಲಿ
ರನ್ನ ಎನ್ನಲಿ
ನಿನ್ನ ನೆನಪಲಿ
ನಿನಗೆ ಸೋತೆ... ಜಗವ ಮರೆತೆ

ಚಿಲಿಪಿಲಿ ಕೂಗೋ ಹಕ್ಕಿಯ ಒಳಗಡೆ ಸೇರಿ
ಅರಗಿಳಿ ನಿನ್ನ ಹುಡುಕುತ ಬರುವೆನು ಹಾರಿ
ಕುಹೂ ಕುಹೂ ಕೂಗೋ ಕೋಗಿಲೆ ಕೊರಳಲಿ ಸೇರಿ
ಕ್ಷಣ ಕ್ಷಣ ಕೂಗುವೆ ನಿನ್ನನೆ ಸಾವಿರ ಬಾರಿ
ದನಿಯ ಕೇಳುತ
ಸನಿಹ ಬಯಸುತ
ಇನಿಯನರಸುತ
ಒಮ್ಮೆ ಬಾರೆ.. ನನ್ನ ಸೇರೆ!!


ಸರಿಗಮ ಸ್ವರದ ಮೇಲೆ
ಮನದ ಪ್ರೇಮ ಕುಣಿವ ವೇಳೆ
ಅರಿತು ಜೋಡಿಯ
ನಾರದ ನಾಡಿಯು
ಬರೆದ ಹಾಡಿದು
ಹಾಡುತ್ತಿರುವೆ ಕೇಳೆ ಚೆಲುವೆ