ನಲ್ಲೆಯ ನೆನಪಲಿ ನಲಿದಾಗ ನುಲಿದ ಹಾಡು

ಪರಮಾತ್ಮ ಚಿತ್ರದ "ಹೆಸರು ಪೂರ್ತಿ ಹೇಳದೆ" ಹಾಡಿನ ರಾಗದಲ್ಲಿ


ನಲ್ಲೆ ನಿನ್ನಾ ಕಣ್ಣಲಿ, ಕನಸು ನಾನು ಆಗಲೇ?
ಒಲ್ಲೆ  ನನ್ನ ಎನ್ನದೆ, ಹರಸು ನೀನು ಈಗಲೇ
ಮನಸು ತುಂಬಾ ನೀನಿರೆ.. ಎಲ್ಲಿ ನಿದಿರೆ
ನೆನೆಯಲು ನಿನ್ನನು ಮನದಿ, ನಗುತಿದೆ ಈ ಹೃದಯ
ಮರೆಯಲು ನಿನ್ನನು ಕ್ಷಣದಿ, ಮಡಿದಿದೆ ಈ ಜೀವ

ನಲ್ಲೆ ನಿನ್ನಾ ಕಣ್ಣಲಿ, ಕನಸು ನಾನು ಆಗಲೇ?
ಒಲ್ಲೆ ನನ್ನ ಎನ್ನದೆ, ಹರಸು ನೀನು ಈಗಲೇ
ಮನಸು ತುಂಬಾ ನೀನಿರೆ.. ಎಲ್ಲಿ ನಿದಿರೆ


ನಿನ ಮುದ್ದು ಮುಗುಳ್ನಗೆಯ
ಅಳಿಗುಳಿಗೆ ತಾ ಮೂಡಲು
ಒಳಗೊಳಗೆ ಹಾರುತಿಹದು
ನನ್ನ ಒಡಲು... ನಿನ್ನ.. ಬಳಿಗೆ ಬರಲು
ಆಸೆಯೊಂದು ಹುಟ್ಟಿದೆ
ನಿನ್ನ ಅಪ್ಪಿ ಕೊಳ್ಳಲೆ?
ಒಪ್ಪಿ ಬಂದ ಪ್ರೀತಿಯ
ಒಮ್ಮೆ ಹೇಳಿ ಹೋಗಲೇ?
ತಿರುಗಿ ಬಂದು ನಿನ್ನನು... ಎತ್ತಿಕೊಳಲೇ?


ನಿನ ಮಡಿಲ ಪಲ್ಲಂಗವು
ಕೈ ಬೀಸಿ ಬಾ ಎನ್ನಲು
ತಡೆ ಏನು ನನ್ನ ಮನಕೆ
ಸುಮ್ಮನಿರಲು... ಆ ಆಸೆ ಸುಡಲು
ಕಣ್ಣು ತಾನೇ ಮುಚ್ಚಿದೆ
ನಿನ್ನ ಮಡಿಲ ನೆನಪಲಿ
ಕಿವಿಯ ಕೊಟ್ಟು ಕೇಳು ನೀ
ನನ್ನ ಎದೆಯ ಚಿಲಿಪಿಲಿ
ಬಿಡದೆ ನನ್ನ ಹಿಡಿದಿಕೋ.. ಏನೇ ಬರಲಿ!!

ತಾ ನ ನಾ ನ ನ ತಂದ ಹಾಡು

ಮನದ ಸರಿಗಮ
ತಂದ ನಾ ನ ನ
ತಾಳ ತಪ್ಪಿದ
ಮಧುರ ಆ ಕ್ಷಣ
ಕಂಡೆ ನಿನ್ನ ನಾ
ಮರೆತೇ ನನ್ನೇ ನಾ
ಎನ್ನ ಕೊರಳಲಿ
ನಿನ್ನ ಹೆಸರಿನ
ತಾ ನ ನಾ ನ ನ


ನುಡಿಯ ನರ್ತನ
ಸ್ವರದ ಸಿಂಚನ
ಹೇಳ ಹೊರಟಿದೆ
ನನ್ನ ಒಲುಮೆಯ
ಪ್ರೀತಿ ಕಥನ
ನಿನ್ನ ದರ್ಶನ
ತಂತು ಕಂಪನ
ನನ್ನ ಮನದಲಿ
ಹೃದಯ ಹೊಸೆದಿದೆ
ಹೊಸತು ಜೀವನ


ಅರಸಿ ಬಂದೆ ನಾ
ಅರಸಿ ನೀನೆ ನಾ?
ನನ್ನ ಹರುಷದ
ಹರಕೆ ತೀರಿದೆ
ನೀನೆ ಕಾರಣ
ನನ್ನ ಈ ಮನ
ನಿನಗೆ ಅರ್ಪಣ
ಅರಳುತಿರುವ
ಪ್ರೀತಿ ಅಲ್ಲಿದೆ
ಬೆಳೆಸು ಪ್ರತಿಕ್ಷಣ

ಕಣ್ಣಲಿ ಕಾಣುವ ಕನಸುಗಳು ಮನಸನು ಕೊರೆದಾಗ ಬಂದ ಹಾಡು

"ಅಣ್ಣ ಬಾಂಡ್" ಚಿತ್ರದ "ಬೋಣಿ ಆಗದ ಹೃದಯಾನ" ಹಾಡಿನ ರಾಗದಲ್ಲಿ..



ಅಮಾವಾಸ್ಯೆ ರಾತ್ರಿಲಿ ಕರೆಂಟ್ ಹೋದ ಹೊತ್ತಲ್ಲಿ ಕರಿ ಕಾಗೆ ಓಡಿಸೋ ಕನಸು ಬೇಕಿತ್ತಾ?
ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ?
ಬಿರುಗಾಳಿಯು ಬಂದಾಗ ಬೋಳ್ದು ಬಾಲಕ ನಾನಾಗಿ ಗಾಳಿಪಟ ಹಾರಿಸೋ ಕನಸು ಬೇಕಿತ್ತಾ?
ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ?
ಕೋಣನ ಮುಂದೆ ಕಿಂದರಿ ಬಾರಿಸಿ ಕುಣಿಸೋಕ್ಕಾಗುತ್ತ?
ಕನಸಲಿ ಕಣ್ಣ ಮುಂದೆ ಕನ್ಯೆ ಇದ್ರೆ ಮಲಗೋಕಾಗುತ್ತ?
ನಡೆಯದೆ ಇರೋ ಅದ್ಭುತವೆಲ್ಲ ಕನಸಾಗ್ ಬರುತ್ತಾ?

ಅಮಾವಾಸ್ಯೆ ರಾತ್ರಿಲಿ ಕರೆಂಟ್ ಹೋದ ಹೊತ್ತಲ್ಲಿ ಕರಿ ಕಾಗೆ ಓಡಿಸೋ ಕನಸು ಬೇಕಿತ್ತಾ?
ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ?

ನಾನು ತುಂಬ ಕೂಲ್ ಅಂತ ಕರೆಂಟ್ ಕಂಬ ಮೇಲತ್ತಿ
ಕೈಯಲಿ ಕಂಬಿ ಹಿಡಿದುಕೊಂಡು ತೂರೋಕ್ಕಾಗುತ್ತ?
ಶಾಕು ಹೊಡೆಯದೆ ಕರೆಂಟ್ ಕೂಡ ತಣ್ಣಗಾಗುತ್ತ?
ಐ ಲವ್ ಯು ಅಂತ ಹುಡುಗರು ಪ್ರಪೋಸ್ ಮಾಡಿದ ತಕ್ಷಣ
ಹುಡುಗಿ ನಾಚಿ ನೀರಾಗಿ ನಗಿಯೋಕ್ಕಾಗುತ್ತ?
ಓಡಿ ಬಂದು ಹುಡುಗನ ತಬ್ಬಿ ಕೊಳ್ಳೋಕ್ಕಾಗುತ್ತ ?
ಕೋಳಿ ಕೂಡ ಎಂ.ಜಿ ರೋಡು ದಾಟೋಕ್ಕಾಗುತ್ತ?
ಹುಡುಗಿ ಮನಸಿನ ಆಳ ತಿಳಿಯೋಕ್ ಟೇಪು ಹಿಡಿಯೋಕ್ಕಾಗುತ್ತ?
ನಡೆಯದೆ ಇರೋ ಅದ್ಭುತವೆಲ್ಲ ಕನಸಾಗ್ ಬರುತ್ತಾ?

ಅಮಾವಾಸ್ಯೆ ರಾತ್ರಿಲಿ ಕರೆಂಟ್ ಹೋದ ಹೊತ್ತಲ್ಲಿ ಕರಿ ಕಾಗೆ ಓಡಿಸೋ ಕನಸು ಬೇಕಿತ್ತಾ?
ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ? ಬೇಕಿತ್ತಾ?

ಒಬ್ಬನೇ ಕುಂತು ಬೋರ್ ಆಗಿ ಬ್ರಹ್ಮ ಸ್ವಲ್ಪ ಹಿಂತಿರುಗಿ
ನಮ್ಮ ನಸೀಬ್ ಒಂದು ಚೂರು ಅಳಿಸೋಕ್ಕಾಗುತ್ತ?
ಕುಚೇಲನ ಕುಬೇರನಾಗಿ ಮಾಡೋಕ್ಕಾಗುತ್ತಾ?
ಪಾನಿ ಪುರಿ ತಿನ್ನುತ್ತ ರೋಡು ಸೈಡಲಿ ನಿಂತಿರೋ
ಹುಡುಗಿ ಒಮ್ಮೆ ನೋಡೋ ಹಂಗೆ ಮಾಡೋಕ್ಕಾಗುತ್ತಾ?
ವೀಲಿಂಗ್ ಮಾಡಿ ಅವಳ್ನ ಇಂಪ್ರೆಸ್ ಮಾಡೋಕ್ಕಾಗುತ್ತಾ?
ಕೋಳಿಯ ಕೇಳಿ ಮಸಾಲೇನ ಅರೆಯೋಕ್ಕಗುತ್ತ?
ಹುಡುಗಿ ಒಪ್ಪಿಗೆ ಪಡೆದು ಪ್ರೀತಿಯನ್ನ ಮಾಡೋಕ್ಕಾಗುತ್ತಾ?
ನಡೆಯದೆ ಇರೋ ಅದ್ಭುತವೆಲ್ಲ ಕನಸಾಗ್ ಬರುತ್ತಾ?

ಮಜ್ನುನ ಮರೆತ ಲೈಲಾ, ದೇವದಾಸ್ ನ ಬಿಟ್ಟ ಪಾರು ಒಟ್ಟಿಗೆ ಪ್ರಪೋಸ್ ಮಾಡುವ ಕನಸು ಬೇಕಿತ್ತಾ?

ಹುಡುಗಾಟದ ಹುಡುಗನ ಹುಡುಕಾಟದ ಹಾಡು

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು
ಬೆಲೆ ಕಟ್ಟದ ಸೆಲೆ ನಿನ್ನದೇ
ನೆಲೆ ಇಲ್ಲದೆ ಅಲೆದಾಡಿದೆ
ಹುಡುಕಾಡಿದೆ ತೊಡಕಾಗದೆ
ನನ್ನೆದುರು ನೀ ನಿಲಬಾರದೆ

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು

ಸ್ವರವಿಲ್ಲದೇನೆ ಸಂಗೀತ ಒಂದು
ಸನಿಹಕ್ಕೆ ಬಂದು ನನ ತಾಕಿದೆ
ಪದವಿಲ್ಲದೇನೆ ಪಲ್ಲವಿ ಒಂದು
ಪಕ್ಕಕ್ಕೆ ಬಂದು ಹಾಡಾಗಿದೆ
ಆ ರಾಗವು ಈ ಹಾಡಿಗೆ
ಬೆರೆತಾಗಿದೆ ಇನ್ನೇನಿದೆ
ನೀ ಒಪ್ಪಿಗೆ ಕೊಡಬಾರದೇ
ನನ್ನೊಳಗೆ ನೀ ಬೆರಿಬಾರದೆ

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು

ಹನಿ ಇಲ್ಲದೇನೆ ಹಣೆ ಮೇಲೆ ಒಂದು
ತಣ್ಣೀರ ತೊಟ್ಟು ಹರಿದಾಡಿದೆ
ಆ ಸೃಷ್ಟಿಕರ್ತ ಸರಿ ಮಾಡಿ ಇಟ್ಟ
ಹಣೆ ಬರಹ ಚೂರು ಬದಲಾಗಿದೆ
ಕನಸಲ್ಲಿಯು ಕಂಡರಿಯದ
ಸೊಗಸಾಗಿ ನೀ ಬರಬಾರದೇ
ಮುದುಡೋಗಿರೋ ಮನಸಿಲ್ಲಿದೆ
ಮುತ್ತೊಂದನು ಕೊಡಬಾರದೇ

ಯಾವ ಅಂಗಡಿಯಲ್ಲಿ ಸಿಗುವುದು ನಿನ್ನನೆ ಕಾಣೋ ಕನಸು
ಯಾರ ಸಂಗಡದಲ್ಲಿ ಸಿಗುವುದು ನನ್ನ ನೀನಪ್ಪೋ ಸೊಗಸು

ಸಂಗಾತಿಯ ಸವಿನೆನಪಿನ ಸವಿಯಲ್ಲಿ ಸುರಿದ ಹಾಡು

ಗೋಪಿಕೃಷ್ಣ ಚಿತ್ರದ ಓಹೋ ವಸಂತ ಹಾಡಿನ ರಾಗದಲ್ಲಿ...

ಓಹೋ ಸಂಗಾತಿ.. ಕಡಲ ಕಡೆವ ರೀತಿ
ಓಹೋ ಸಂಗಾತಿ... ಮನವ ಕಲುಕೋ ಪ್ರೀತಿ
ಹೃದಯದೋಲೆ ಓದುವ ವೇಳೆ... ಅಕ್ಷರವೇ ನೀನಾಗು ಪದಗಳಿಗೆ ಉಸಿರಾಗು
ಅಲ್ಲಿ ಮಲ್ಲಿಗೆ ಮಂಚ,
ಮಲ್ಲೆ ಅರಳಲು ಕೊಂಚ,
ನಿನ್ನ ಬಣ್ಣದ ಸಿಂಚನ
ಚಿತ್ರ ಬಿಡಿಸುವ ಕುಂಚ,
ಕೈಯ ಜಾರಿದೆ ಕೊಂಚ
ಹರೆಯ ಮಿರ್ಕಟ ಜೋಪಾನ
ಸಂಗಾತಿ ಸಂಗದಲ್ಲಿ ಸಂತೇಲಿ ಕುಂತರೇನು..
ಬಂಗಾರಿ ಬಗಲಲ್ಲಿ ನಿದ್ದೆಯು ಬರದೇನು...
ಕಣ್ಣ ಅಂಚಲ್ಲಿ ಮಿಂಚು,
ಕನಸ ಕೊಲ್ಲುವ ಸಂಚು,
ಅಲ್ಲೂ ನಿನ್ನಯ ಚಿತ್ರಣ..

ಓಹೋ ಸಂಗಾತಿ
ಕನಸ ರಾಜ ನೀತಿ
ಓಹೋ ಸಂಗಾತಿ
ಮನಸ ಅರಸ ಪ್ರೀತಿ
ಅರಮನೇಲು ನಾ ಸೆರೆಯಾಳು
ಚಿಮ್ಮುತಿದೆ ಧುಮ್ಮಿಕ್ಕಿ
ಪ್ರೀತಿಯೆಂಬೋ ಭರಚುಕ್ಕಿ
ಬಿಡಿಸೋ ಈ ನನ್ನ ಸೆರೆ
ಎಳೆಯೋ ವಿರಹಕ್ಕೆ ತೆರೆ
ಎರೆಯೋ ಪ್ರೀತಿಯ ಧಾರೆ

ಓಹೋ ಸಂಗಾತಿ
ಚಳಿಯ ಥಳಿಸೋ ರೀತಿ
ಓಹೋ ಸಂಗಾತಿ
ಬೆಚ್ಚನೆ ಅಪ್ಪುಗೆ ಪ್ರೀತಿ
ನಡುಗೋ ಮೈಯ ಸುಡುವ ಸೂರ್ಯ
ಸಂಗಾತಿಯೇ ನೀನಾಗು
ಈ ಜೀವಕೆ ಉಸಿರಾಗು
ಅಲ್ಲಿ ಮಲ್ಲಿಗೆ ಮಂಚ,
ಮಲ್ಲೆ ಅರಳಲು ಕೊಂಚ,
ನಿನ್ನ ಬಣ್ಣದ ಸಿಂಚನ
ಚಿತ್ರ ಬಿಡಿಸುವ ಕುಂಚ,
ಕೈಯ ಜಾರಿದೆ ಕೊಂಚ
ಹರೆಯ ಮಿರ್ಕಟ ಜೋಪಾನ
ಸಂಗಾತಿ ಸಂಗದಲ್ಲಿ ಸಂತೇಲಿ ಕುಂತರೇನು..
ಬಂಗಾರಿ ಬಗಲಲ್ಲಿ ನಿದ್ದೆಯು ಬರದೇನು...

ಲಾಲ ಲಾಲಾಲ ಲಾಲ ಲಾಲ ಲಾಲಾಲ ಲಾಲ ಲಾಲ ಲಾಲಾಲ ಲಾಲಾಲ

ಪ್ರೀತಿಯ ಪರ್ವದಿ ಪ್ರೀತಿಯ ಪರಿಯು ಪಸರಿಸಿದ ಹಾಡು

ಪರಿ ಚಿತ್ರದ "ಆಷಾಡ ಕಳೆದೈತೆ" ಹಾಡಿನ ರಾಗದಲ್ಲಿ


ಭಾನಿನ ಕಿರಣವು ಭೂಮಿಯ ತಾಗೈತೆ
ರೋಮವು ಮೈಯಲಿ ರೊಯ್ಯನೆ ನಿಂತೈತೆ ೨

ಮಾಘದ ಮಾಸದ ಮುಂಜಾನೆ ಹೊತ್ತಲಿ
ಮಾಗದ ಮನಸಲಿ ಮಲ್ಲಿಗೆ ಜೋಕಾಲಿ
ತೂಗೈತೆ ಅತ್ತಿತ್ತ ಪರಿಮಳ ಚೆಲ್ಲುತ್ತ
ಪ್ರೀತಿಯು ತಂದಿತ್ತ ಸೊಬಗನು ಸವಿಯುತ

ಮಾಘದ ಮಾಸದ ಮುಂಜಾನೆ ಹೊತ್ತಲಿ
ಮಾಗದ ಮನಸಲಿ ಮಲ್ಲಿಗೆ ಜೋಕಾಲಿ

ನಿದ್ದೆ ಇಲ್ಲ.. ಎದ್ದರೆ ಸದ್ದೇ ಇಲ್ಲ
ಪ್ರೀತಿಯೇ ನಿನ್ನ ನೆನಪು.. ನೆನೆಯದೆ ಇರುಳೆ ಸಾಗೊಲ್ಲ
ಕರೆದೋನಲ್ಲ ನಿನ್ನನು ಕಂಡೋನಲ್ಲ
ಕ್ಷಣದಲಿ ಕಳೆದೋಯ್ತಲ್ಲ ಹೃದಯವು ನೀನೆ ಆ ಕಳ್ಳ
ಕಣ್ಣನು ಮುಚ್ಚಿ ನಿನ್ನನು ಮೆಚ್ಚಿ ಜಗವನೆ ಮರೆತೆ ನಾನಿನ್ನು
ಗುರಿಯನು ತಪ್ಪಿ ಗಾಳಿಯ ಅಪ್ಪಿ ಮುದ್ದಾಡು ಮನಸೇ ನೀನಿನ್ನು

ಬಾನಿಗೆ ಏಣಿಯ ಹಾಕುವ ಹುಮ್ಮಸ್ಸು
ಬಾಳಲಿ ರಾಣಿಯ ಅಪ್ಪುವ ಮನಸು

ಕರಣದಿ ಕೇಳಿದೆ ಕವನವ
ಕೊರಳಲಿ ರಾಗವ ಗುನುಗುತ ಖುಷಿಯಲಿ ತೇಲುವ
ಮೋಡವ ಬದಿಗೆ ದೂಡುವ
ತಿಂಗಳ ಅಂಗಳದಲಿ ಪ್ರೀತಿಯ ರಂಗನ್ನು ಚೆಲ್ಲುವ
ಅಳಿಲ ಹಿಡಿದು ಬೆನ್ನನು ಮುಟ್ಟಿ ಅದೃಷ್ಟವಂತ ನಾನಾದೆ
ಪ್ರೀತಿಯ ಮಡಿಲ ಸೇರಿ ನಾನು ಥಟ್ ಅಂತ ಕಳೆದೋದೆ

ಹರೆಯದ ಹುಡುಗ ನಾನ್ ಅರಳಿದೆ ಒಂದಾಸೆ
ಅರಸಿಯ ಅರಸುವೆ ಜೊತೆಯಿರು ಓ ಮನಸೇ

ಸಣ್ಣನೆ ಹೆಣ್ಣ ತಣ್ಣನೆ ಪ್ರೀತಿ ಕಣ್ಣನು ಕಟ್ಟಿ ಮಣ್ಣನು ಮುಕ್ಕಿಸಿದಾಗ...

ಹಟವಾದಿ ಚಿತ್ರದ "ಆಟ ಹುಡುಗಾಟವೋ" ಹಾಡಿನ ರಾಗದಲ್ಲಿ...

ಪ್ರೀತಿ ನೀ ಮಾಯೆಯೋ
ಹೆಣ್ಣೇ ನೀ ಮೊಸವೋ
ಪ್ರೀತಿ ನೀ ಮಾಯೆಯೋ
ಹೆಣ್ಣೇ ನೀ ಮೊಸವೋ
ಮೊಸವೋ ಪಾಶವೋ
ಈ ಜೀವ ನಾಶವೋ
ಹಕ್ಕಿಯ ಪಟ್ಟ ಕೊಟ್ಟೆ
ರೆಕ್ಕೆಯ ಕಟ್ಟಿ ಬಿಟ್ಟೆ
ಹೂವಿನ ಹಾಸಿಗೇಲಿ
ಕತ್ತಿಯ ಇತ್ತು ಬಿಟ್ಟೆ
ನೀ ಕ್ರೂರಿಯಾ
ಯಮನ ರಾಯಭಾರಿಯಾ

ಹೃದಯ ಈ ಹೃದಯ ನಿನಗೆಂದೆ ನಾನು
ನನ್ನ ಈ ಎದೆಯ ಒಡಲಲ್ಲಿ ನೀನು
ಕಿಚ್ಚ್ಯಾಕಿಟ್ಟೆ...
ಬಾರಿ ಬಲು ಬಾರಿ ಈ ಮನಸು ಜಾರಿ
ನಿನ್ನ ಆ ಮಾನವ ಮುಗಿಲಲ್ಲಿ ಹಾರಿ
ಆಯ್ತು ಚಿಟ್ಟೆ...
ಕಾರಣವೇ ಹೇಳದೇನೆ ಕಣ್ಣುಗಳ ಕಟ್ಟು ಬಿಟ್ಟೆ
ಕರೆದರೂನು ಕೇಳದೇನೆ ಕಾಣದೂರಿಗೋಗಿಬಿಟ್ಟೆ
ಕರುಣೆ ಇಲ್ಲವೇನೆ ನಿನಗೆ.... ಹೇ ಹೇ

ಸಾಕು ಇನ್ನು ಸಾಕು ಈ ಸುಳ್ಳು ಸಾಕು
ಹಾಕು ಇನ್ನು ಹಾಕು ನೀ ಹೊರಗೆ ಹಾಕು
ಸಿಹಿಯ ವಿಷವ..
ಕ್ಷಣವು ಕ್ಷಣ ಕ್ಷಣವು ನೀ ಕೊಟ್ಟ ಪ್ರೀತಿ
ಕಣವು ಕಣ ಕಣವು ತುಂಬಿದ ರೀತಿ
ಈಗ ಭೀತಿ
ಮೀನ ಹೆಜ್ಜೆಯನ್ನು ಕೂಡ ನೀರಿನಲ್ಲಿ ನಾ ಕಂಡೆ
ನಿನ್ನ ಮನವ ಕಾಣಲಿಲ್ಲ ಹೇಳು ನೀನು ನಾ ಕುರುಡೇ
ನಗುವೇ ಏಕೆ ನನ್ನ ನೋಡಿ... ಹೇ ಹೇ..