ಕನಸು ನನಸುಗಳ ನಡುವೆ ಮನಸಲ್ಲಿ ಮೂಡಿದ ಹಾಡು

ಜೋಗಯ್ಯ ಚಿತ್ರದ "ಯಾರು ಕಾಣದೂರು" ಹಾಡಿನ ರಾಗದಲ್ಲಿ



ಗಂ: ನೀಲಿ ಬಾನಿನಲ್ಲಿ
ಏಳು ರಂಗು ಚೆಲ್ಲಿ
ಬರೆದೆ ನಾನು ನಿನ್ನ ಹೆಸರ

ಆಕಾಶದೂರಲ್ಲಿ
ಬಿಳಿ ಮೋಡದ ಮರೆಯಲ್ಲಿ
ಮಳೆ ಹನಿಯ ಅಂಚಿನಲ್ಲಿ ನಿನ್ನ
ಬಣ್ಣ ಕಂಡು ರೋಮಾಂಚನ
ಹೆ: ನಾ.. ಕಾಮನಬಿಲ್ಲು
ಇದ್ದರೂ ಇರದ ಸುಳ್ಳು
ನಾನು ಒಂದು ಬರಿಯ ಕನಸು
ಸಿಗದೇ ಹೋದರೆ ಯಾಕೋ ಮುನಿಸು?

ಭ್ರಮೆಯ ಬಾನಿನಲ್ಲಿ
ಭ್ರಮರೆ ನಾನು ಇಲ್ಲಿ
ಅಲ್ಲೂ ಇಲ್ಲ ಇಲ್ಲೂ ಇಲ್ಲ

ಗಂ: ನಕ್ಷತ್ರ ಸಾಲಿನಲಿ
ನಿನ ಮೊಗದ ಮಂದಾರ
ಮಿಂಚಾಗಿ ಬಂದು ನನ್ನ ಸೋಕಿ
ಕುಣಿದಿದೆ ಈ ತನ್ಮನ
ಹೆ: ಆ ದೇವರಾಣೆ
ನಿರ್ಜೀವಿ ನಾನು ಸೊನ್ನೆ
ಗಂ: ನಿಲ್ಲು ನನ್ನ ಪ್ರೀತಿ ಎರೆವೆ
ಸಂಜೀವಿನಿ ತಂದು ಜೀವ ಕೊಡುವೆ

ನನ್ನ ಹೃದಯದಲ್ಲಿ
ನಿನ್ನ ಚಿತ್ರವಲ್ಲಿ
ಅಳಿಸಬೇಡ ಚಿತ್ತ ಚೋರಿ